MARGARET KARRAM BERRIZ AUKERATUA IZAN ZEN FOKOLAReEN MUGIMENDUAREN BURU.
ROBERTO ALMADA, FOKOLARINO APAIZ ARGENTINARRA, DA PRESIDENTEKIDE BERRIA.
Batzar Nagusian parte hartu zutenen botoen bi heren baino gehiagorekin eta txalo zaparrada luze baten artean, Margaret Karram Fokolareen presidente hautatu zuten atzo, 2026ko martxoaren 12an, bigarren agintaldi baterako.
«Jainkoaren graziaz eta zuen laguntzaz, onartzen dut. Zeharo hunkitu nau gaurko liturgiako 94. salmoak: “Entzun gaur Jaunaren ahotsa, ez gogortu zuen bihotzak”. Dei berri honi nire “baietza” berriztatzen diot, Jainkoarekiko nire atxikimendu osoa zuekin guztiekin batera, Elizaren, Mugimenduaren eta gizateriaren zerbitzura“.
Horiek dire Margaret Karramen lehen hitzak, 2026ko martxoaren 12an, Fokolareen Mugimenduaren presidente izendatu eta minutu gutxira, bost urteko bigarren agintaldi baterako.
Martxoaren 1etik 21era Batzar Nagusian parte hartzen duten bost kontinenteetako Fokolareen komunitateen ordezkari gisa, botoa emateko eskubidea duten 261 pertsonek berrautatu zuten.
Presidentekide berria Roberto Almada da, Argentinako apaiz fokolarinoa, bi herenen gehiengoarekin aukeratua hau ere. Jesus Moranen ondorengoa da, bere bigarren eta azken agintaldia amaitu duena (Laikoentzat, Familiarentzat eta Bizitzarentzat 2021eko ekainaren 11ko Dikasterioaren Dekretuaren arabera).
«Jainkoaren graziarekin eta Ama Birjinaren babesarekin onartzen dut hautu hori —adierazi zuen Almadak—, eta dena emango dut, nire indarrekin, nire adimenarekin eta nire bihotzarekin; nirekin kontatu dezakezue!».
Hauteskundeak Laikoentzako, Familiarentzako eta Bizitzako Dikasterioak berretsi ditu, Egoitza Santuaren agintaritza eskudun gisa, Fokolareen Mugimenduaren Estatutu Orokorretan xedatutakoaren arabera (Mariaren Obra, 79. eta 88. artikuluak).
Margaret Karram, elkarrizketari eskainitako bizitza bat
Margaret Karram Fokolareen hirugarren presidentea da, Chiara Lubich sortzailearen ondoren. 2021ean Maria Voceren lekua hartu zuen, joan den ekainaren 20an hil zena.
Arabiar kristaua, Haifan (Israel) jaioa, erlijio anitzeko testuinguruan trebatu zen, gaztetatik kultura eta sinesmen ezberdinen arteko elkarrizketarekiko konpromiso sendoa helduz. Ameriketako Estatu Batuetan, Judaismoan lizentziatu zen Los Angeleseko American Jewish Universityn, ondoren Lur Santuan Mugimenduko erantzukizuneko karguak hartzeko, aldi berean 14 urtez Jerusalemen Italiako Kontsulatu Nagusian lan eginez.
Nazioarte mailan, erlijioen arteko elkarrizketan egindako ekarpenagatik ezaguna –Mount Zion sariak (2013) eta Santa Rita sariak (2016)–, Vatikanoko Lorategietan Bakearen aldeko Inbokazioan parte hartu zuen 2014an, Frantzisko aita santuarekin eta Israel eta Palestinako presidenteekin batera.
2021ean Fokolareen Mugimenduko presidente hautatu zuten lehen agintaldirako, eta Mugimenduaren jarduna areagotu du elkarrizketa ekumenikoan eta erlijioen arteko elkarrizketan. Konstantinoplako patriarka ekumenikoarekin, Bartolome I.arekin, bildu da, eta Eliza Katolikoaren Sinodo berrian gonbidatu gisa parte hartu du.
2023an, Laikoentzako, Familiarentzako eta Bizitzako Dikasterioan izendatu zuten. Asiara, Ameriketara, Europara eta Pazifikora bidaiatu du erlijioen arteko elkarrizketan konprometitutako Fokolareen komunitate eta erakundeekin biltzeko.
Bere azken ekitaldien artean: Genfest 2024 Brasilen, bakearen aldeko foroa Estatu Batuetan 2025ean eta Laudato Sí-ren hamargarren urteurreneko Nazioarteko Konferentzia.
Monica Mondorekin batera «Per non sfiorarci invano» (2023, Francescane argitaletxea) liburuaren egilea, 2025ean «Prossimità, via alla pace» (Hurbiltasuna, bakerako bidea) (Ciudad Nueva argitaletxea) argitaratu zuen, senidetasunaren eta elkarrizketaren kulturari eskainia.
Roberto Almada Fokolaren Mugimenduaren presidentekide berria da
Roberto Almada Argentinako apaiza da, mediku psikiatra eta psikoterapeuta. Filosofian doktorea, Uruguai eta Paraguaiko Logoterapia Eskolaren sustatzaileetako bat izan zen. Latinoamerika eta Kariberako Sophia Unibertsitate Institutuan eta Casertako (Italia) Logos Institutuan akonpainamendu espiritual eta psikologikoko ibilbideak koordinatzen dituen taldeko kidea da.
Bere jarduera pastorala familia giroan zentratu da Familias Nuevas Mugimenduaren bitartez, non bikoteei laguntzeko proiektuak jarraitzen dituen.
"El cansancio de los buenos" liburuaren egilea, "burnout" (akidura, nekea) dinamikari buruzkoa, hainbat hizkuntzatara itzulia (Italian: "El burnout del buen samaritano", Ed. Effatà) eta "Desafío Parejas" liburuaren egilekidea, biak Ciudad Nueva argitaletxeak argitaratuak.
1999tik 2009ra Rocca di Papako (Italia) Fokolarean Mugimenduaren Nazioarteko Zentroko aholkularia izan zen.
2026ra arte Buenos Airesen bizi izan zen, Hego Konoko Mugimenduarekin konprometituta ebanjelizazioaren alorrean, bertako komunitateei lagunduz, non berrantolaketa eta kohesio prozesuak erraztu zituen, eta estudioan.
Esperientzia handia lortu du elizaren eta prestakuntzaren arloan Latinoamerikako hainbat herrialdetan, besteak beste, Kolonbian, El Salvadorren, Txilen, Uruguain, Paraguain eta Argentinan; apaizei, komunitate erlijiosoei eta irakasle katolikoei lagundu die ikastaro eta ariketa espiritualen bidez, eta arreta berezia eskaini dio pastoralen nekea gertatzen den uneetan laguntzeari eta misioaren zentzua berraurkitzeari.
Gazteei laguntzen ere aritu da, eta, gizarte arloan, migratzaileekin.
Zer egiten du Fokolareen Mugimenduaren presidenteak?
Estatutu orokorren arabera, Presidentetza betiko botoekin kontsakratutako fokolarina baten esku egongo da beti: presidentetza laiko eta femeninora igortzen duen hautua, Chiara Lubich fundatzaileak desiratua eta San Joan Paulo II.ak berretsia.
Presidenteak “batasun-espirituarekin” laguntzeko deia du 150 herrialdetan dauden Fokolareen komunitateei, senidetasun unibertsalaren mezu ebanjelikoa besarkatzen baitute kultura-, gizarte- eta erlijio-aniztasunaren testuinguruan.
Bere zereginen artean, gure garaiko erronka lokal eta globalei aurre egiten dien mugimendu baten gida eta orientazioa daude, bereziki giza existentziaren haustura pertsonal eta sozialak sendatzera deitua dagoena.
Era berean, Estatutuek gogorarazten dute nola jokatu behar duen presidenteak bere erantzukizunean: zerbitzuan eta karitate ebanjelikoan oinarritutako lidergoa, Jesusek guztien morroi izateko egindako gonbidapenaren arabera (ik. Mk 10,44). Zubigile, batasunaren sustatzaile eta Fokolareen espiritualtasunaren mezu nagusiaren lekuko izatea eskatzen zaio, bere bozeramaile bihurtuz koherentziaz eta dedikazioz.
Kopresidentearen eginkizuna
Presidentekidea —Focolarren Mugimenduko apaiz focolarinoen artean hautatua— presidentearekin elkarlan estuan aritzera deitua dago batez ere, erabakiak harekin partekatuz eta Mugimenduaren bereizketa eta kohesioa bermatzen lagunduz.
Eginkizun nagusi horrez gain, presidentekideak Obraren zuzendaritza nagusian parte hartzen du, gai garrantzitsuenei bere ekarpena eginez eta Mugimenduaren bizitza Elizaren fede eta doktrinarekin erabat bat datorrela zainduz.
Fokolareen Batzarrak aurrera jarraitzen du
Datozen egunetan, Batzarrak Fokolareen zuzendaritza-organo berria aukeratuko du, hau da, kontseilari nagusiak, presidentearen gertuko kolaboratzaileak izango direnak, eta Estatutu nagusiak aldatzeko proposamenak eztabaidatuko ditu.
Martxoaren 21ean, Batzarreko partaide eta behatzaileak audientzia pribatuan hartuko ditu Leon XIV aita santuak.
Stefania Tanesini
(+39) 338 5658244
