8 de marzo

7 de marzo

6 de marzo

Informe de 2025: Do estándar á cultura

Informe relativo ao ano 2025 sobre actividades para a Protección da Persoa.

5 de marzo

4 de marzo

3 de marzo

Con Xesús non temos medo

Levántate e non teñas medo

Palabra de Vida

Pedro, Santiago e Xoán soben a un monte alto con Xesús e alí ven a gloria do Mestre e escoitan a voz do Pai que o recoñece como o seu Fillo. Unha experiencia extraordinaria, cara a cara con Deus, que permite á súa criatura coñecelo no seu esplendor. O medo fíxoos caer ao chan, pero Xesús tócaos e di: «Levantádevos, non teñades medo». O verbo «levantádevos» é o mesmo que o Evanxeo usa a miúdo para expresar a resurrección, do mesmo xeito que «non teñades medo“ son as primeiras palabras que o Resucitado dirixe ás mulleres no sepulcro baleiro despois de saudalas (Mt 28,10; cf. 28,5). Así, as palabras de Xesús, fortes e claras, son unha invitación decisiva a unha nova vida, que é posible para os discípulos co toque da súa man. Tamén nós ás veces somos freados polos nosos medos, agobiados polas probas da vida, por situacións aparentemente sen esperanza. Non podemos confiar só nas nosas propias forzas para recuperar o impulso do noso testemuño, senón na graza de Deus, que sempre nos precede. ”Quen non pasa por probas? Estas adoptan a forma de fracaso, pobreza, depresión, dúbida, tentación… […] A sociedade materialista e individualista que nos rodea, coas súas guerras, violencia e inxustizas, tamén dá medo… Ante estas situacións, tamén pode xurdir a dúbida: onde foi parar o amor de Deus? […] Xesús entrou verdadeiramente en cada sufrimento, levou todas as nosas probas […] El é Amor, e é característico do amor expulsar todo medo. Cada vez que o medo nos asalta, cada vez que nos sentimos abrumados pola dor, podemos recoñecer a verdadeira realidade que alí se agocha: é Xesús, quen se fai presente […] deixémoslle entrar nas nosas vidas. E despois, sigamos vivindo o que Deus quere de nós, lanzándonos a amar o noso próximo». Descubriremos que Xesús é sempre Amor. Entón poderemos dicirlle, como os discípulos: «Verdadeiramente ti es o Fillo de Deus» (Mt 14,33)[1]. «Levántate, non teñas medo«. Quen experimentou o encontro con Deus nas súas vidas está prendado da súa presenza, tocado e curado pola súa Palabra. A miúdo, o testemuño dunha comunidade cristiá acompáñanos nesta aventura divina e dános o ánimo para levantarnos, para saír de nós mesmos e retomar o camiño con Xesús e cos nosos irmáns e irmás. Compartimos o testemuño dunha moza siria: »A finais do ano pasado, o meu país atravesou unha situación moi difícil e a miña cidade sufriu unha onda de caos e medo. Estaba profundamente preocupada pola miña familia, os meus amigos e por min mesma. En medio de tanta incerteza, tratei de manter a miña esperanza en Deus, esforzándome por ser forte a pesar de todo. Antes destes acontecementos, xunto cos mozos cos que estou comprometida en vivir o Evanxeo, tiñamos planeado varios proxectos para apoiar ás familias necesitadas a través de paquetes de alimentos e outras iniciativas. Pero esta situación obrigounos a suspender temporalmente toda actividade. Despois duns días, conseguimos volver atoparnos: nese encontro, atopamos forza e coraxe uns nos outros. Decidimos non deixar que o medo nos vencese, senón poñer a nosa confianza en Xesús e retomar o camiño que comezaramos. Con fe compartida, puidemos axudar a máis de 40 familias que realmente necesitaban axuda. En medio destas dificultades, sentimos que grazas ao amor de Deus e á nosa unidade, podiamos marcar a diferenza. «Levantádevos, non teñades medo«. »Despois de subir ao monte con Xesús para atoparnos con Deus e escoitar a súa voz, podemos descender con el para «[…] volver á chaira, onde atopamos moitos irmáns e irmás que soportan dificultades, enfermidades, inxustizas, ignorancia e pobreza material e espiritual«[2]. »Como comunidade cristiá, tamén nós podemos sufrir e confundirnos, pero esta Palabra pídenos que nos poñamos en marcha xuntos para levar a todos “os froitos da nosa experiencia con Deus e compartir a graza recibida”[3]». Letizia Magri e o equipo da Palabra de Vida [1] C. Lubich, Palabra de Vida, agosto de 2002.[2] Cf. Francisco, Ángelus, 16-3-2014.[3] Ibíd.