Bost urtean behin, Mariaren Obraren, Fokolareen Mugimenduaren Batzar Nagusia egiten da. Hurrengoa 2026ko martxoaren 1etik 21era izango da.

Fokolareen Mugimenduaren ekitaldi garrantzitsuenetako bat da. Bertan, buruzagi berriak aukeratuko dira eta garatzen diren lanek, ideia, proposamen eta mozioei buruz hitz eginez, Mugimenduaren hurrengo bosturtekorako gida-lerroak osatuko dituzte.

Kontsulten lehen fasea hasi da dagoeneko, eta Fokolareen Mugimenduko kide guztiok gure ekarpena egitera deituak gaude.

Margaret Karram-ek, Fokolareen presidenteak, Batzarra egingo dela iragartzeko mezuan, dei egiten die guztiei «prestaketa hau entzute sakoneko eta komunitate bereizmeneko uneekin bizitzera, Sinodoaren garaian ikasitako eta bizitako sinodalitate esperientzia praktikan jarriz»..

Batzarra zer den, nola garatuko den eta ekitaldi garrantzitsu honetarako nola prestatu hobeto ulertzeko, ondorengo bideoa sortu da informazio grafikoarekin.