Margaret Karram Fokolareen Mugimenduko presidenteak Aparecidan (Brasil) Genfest 2024 ekitaldian bakearen gaiari buruz hitz egin zuen. Bere hitzaldia gai honi eta munduko bazter guztietan eraikitzeko gazteen konpromisoari eskainitako une baten parte izan zen.
Askotariko ñabarduretan adierazitako bake istorioak entzun berri ditugu: abestiak, otoitzak, bizipenak, proiektu zehatzak. Horrek guztiak konfiantza eta itxaropena indartzen du gugan bake eraikitzaile izatea posible dela. Frantzisko Aita Santuak dio "bakearen artisauak" izan behar dugula egunero. Eta horretarako irmotasuna eta pazientzia behar dira gure bidean topatzen ditugun anai-arreba guztiei maitasunez begiratu ahal izateko.
Genfest honetatik ikasi dugu bakea nirekin hasten dela, pertsonak, gure herriak eta sorkuntza zaintzeko keinu txikiekin.
Nondik hasi orduan?
Behin baino gehiagotan esan dugu azken egunetan: banatzen gaituzten hesi guztiak hautsiz, senidetasunerako bizitzeko. Eta hau egin dezakegu:
- Amankomunean dugun gizatasuna gure desberdintasun guztiak baino garrantzitsuagoa dela ohartuz..
- Ondoren, barkatzeko prest egonda eta adiskidetze keinuak edukita. Izan ere, barkatzeak esan nahi du besteari esatea: "Zuk zure ekintzak baino askoz gehiago balio duzu".
Eta Genfestaren lehen fasean egin genuen bezala, jarrai dezagun, etxera itzultzean ere, izaten bakearen artisauak gure harremanetan, besteenganako lehen urratsa emanez. Maitasuna izango da zer egin, norengana jo behar dugun, inspiratzen gaituena. Barka dezagun besteak barkamena eskatu zain egon gabe.
Genfest hau izan dadila unea esateko BAKEARI BAI.
Ez dugu berriro bakarrik sentitu behar: egun hauetan "ikusi eta esperimentatu dugu "elkarrekin" egitearen indarra. Elkarrekin. Bat egin dezagun bakearen alde bizi eta lan egiten duten guztiekin.. Hirugarren fasean eraikiko ditugun komunitateak bide posible bat dira dagoeneko.
“Bakea eraikitzen da” izeneko poema oso eder batekin bukatzen dut:
Zabaldu zure begiak bake irudietara!
Bake-hitzkuntza hitz egin!
Egin bake keinuak!
Bakea praktikatzeak bakea dakarrelako.
Bakea agerian jartzen da eta egiten dutenei eskaintzen zaie,
egunez egun,
ahal dituzten bake-mota guztiak. [1]
Margaret Karram-ek
[1] Joan Paulo II.aren poesia
